Ti anôk bi tuôm anăn, Khua knŭk kna Phạm Minh Chính hơêč hmưi kơ klei tŭ jing klei ruah khua Êpul gơ̆ng ƀuôn hgŭm gưl 5 ti Campuchia hlăk mlan 6 leh êgao, mjing knơ̆ng yuôm bhăn kơ Campuchia mâo mă klei dưi ti anôk ruah khua bruă kƀĭn ala thŭn 2023, lehanăn lŏ dơ̆ng mâo mă klei dưi prŏng prĭn hĭn hlăm bruă rŭ mdơ̆ng lăn čar hlăm klei êđăp ênang, hnŭk êngiê, mdrŏng sah.

Khua knŭk kna lehanăn Khua bruă kƀĭn ala nah dlông Campuchia bi tŭ ư leh lŏ hgŭm kjăp hĭn ngă tŭ jing jih jang klei bi tŭ ư kơ klei bhiăn bruă lĭng kahan hlăm klei tŭ dưn yuôm bhăn leh mâo lehanăn anăp lŏ mđĭ hĭn bi jih bruă adôk hlăm brô 16% ka bi leh ôh kơ bruă pơ̆ng gơ̆ng knông lăn kñăm dưi mkŏ mjing sa klông knông lăn êđăp ênang, hgŭm mbĭt, hgŭm bruă lehanăn mđĭ kyar nao dua ala čar./.