Aguah 20/10, leh Khua bruă kƀĭn ala Vương Đình Huệ lač mphŭn pŏk klei bi kƀĭn tal 4, Bruă kƀĭn ala gưl XV, Khua knŭk kna Phạm Minh Chính hưn mdah klei tŭ hlue ngă hdră kčah mđĭ kyar bruă duh mkra- ala ƀuôn thŭn 2022; mĭn tĭng hdră kčah mđĭ kyar bruă duh mkra- ala ƀuôn thŭn 2023. Bruă klam, hdră msir phŭn dŭm mlan knhal jih thŭn 2022 Khua knŭk kna mtă kơ dŭm gưl, dhar bruă, alŭ wăl lŏ dơ̆ng ngă mđrăm mbĭt, tŭ dưn dŭm bruă klam, hdră msir kčah hlăm dŭm mta bruă.

Mđing kơ hdră gang mkhư̆ klei ruă Covid-19, amâo brei mâo lu mta klei ruă tưp; mjêč msir mgaih boh klei kƀah êa drao, kdrăp mdrao mgŭn. Kơ hdră kčah mđĭ kyar bruă duh mkra ala ƀuôn thŭn 2023, Khua knŭk kna mñă lŏ dơ̆ng mđing krơ̆ng kjăp bruă duh mkra kluôm, ktuê dlăng klei mnơ̆ng dhơ̆ng đĭ, mđĭ kyar, rơ̆ng dŭm klei găl prŏng mơ̆ng bruă duh mkra.  Mđĭ ktang klei mâo, klei dưi mdrơ̆ng mơ̆ng bruă duh mkra, mđĭ kyar dŭm boh kdrŭt đĭ kyar mrâo./.