Klei bi kƀĭn kyua Knŭk kna Dhŭng Korea bi hgŭm hŏng Êpul bruă mdrao mgŭn dlông rŏng lăn (WHO) mkŏ mjing kñăm kah mbha dŭm klei mĭn, hdră tă leh anăn kdrăp mrâo hlăm bruă tuh tia mkra mjing vaccin leh anăn mdrao mgŭn.

Khua knŭk kna Phạm Minh Chính bi mklă, klei ruă Covid-19 mâo hmăi leh kjham, kluôm hŏng grăp ala čar. Việt Nam ngă leh dŭm hdră msir gang mkhư̆, mdrơ̆ng hŏng klei ruă tưp, hlăm anăn, Việt Nam pŏk ngă tŭ jing bruă tač êngao đru vaccin leh anăn Hdră tlŏ mgang amâo mă prăk prŏng hĭn mơ̆ng êlâo truh ară anei. Việt Nam jing ala čar gĭr ktưn, mâo bruă klam hĭng êpul êya dlông rŏng lăn, Việt Nam ƀuăn rơ̆ng bi hgŭm tliêr kjăp, tŭ dưn hlăm bruă ksiêm hriăm, mkra mjing, ba jao kdrăp mrâo, đru hơĭt kjăp hdră mkăp vaccin leh anăn dŭm mta mnơ̆ng dhơ̆ng mdrao mgŭn kluôm rŏng lăn./.