Khua knŭk kna mtrŭt mjhar Hdră bi ktưn “Mtrŭt mđĭ kyar bruă mkŏ mkra anôk bruă nah gŭ bi knar, mrâo mrang: Hluê ngă mkiêt mkriêm, bi kdơ̆ng hŏng klei bi liê”
Thứ bảy, 08:49, 19/11/2022
VOV Tây Nguyên
VOV Tây Nguyên
VOV4.Êđê - Aguah hruê 18/11, ti Ninh Bình, Khua knŭk kna Phạm Minh Chính mtrŭt mjhar Hdră bi ktưn “Mtrŭt mđĭ kyar bruă mkŏ mkra anôk bruă nah gŭ bi knar, mrâo mrang; hluê ngă mkiêt mkriêm, bi kdơ̆ng hŏng klei bi liê”.
Khua knŭk kna mblang leh klei tŭ yuôm, mta kñăm mơ̆ng hdră mkŏ mkra anôk bruă nah gŭ, hluê ngă mkiêt mkriêm, bi kdơ̆ng hŏng klei bi liê.
Khua knŭk kna mtă brei mđĭ klei thâo săng hluê ngă klei mkiêt mkriêm, bi kdơ̆ng hŏng klei bi liê mguôp hŏng hdră bi kdơ̆ng hŏng klei ƀơ̆ng ngăn, klei bi liê pliă plia hluê klei mtă mơ̆ng Khua gĭt gai Đảng Nguyễn Phú Trọng; mtă kơ dŭm gưl, dhar bruă, mnuih ƀuôn sang lehanăn anôk bruă duh mkra kluôm ala mđing hluê ngă jăk dŭm bruă klam phŭn mjing ai bi ktưn jăk hlăm hdră mkŏ mkra, mđĭ kyar anôk bruă nah gŭ pral, h’ĭt kjăp, mtă kơ dŭm Phŭn, dhar bruă, alŭ wăl mđĭ lar bruă klam ba anăp, jhŏng mĭn, jhŏng ngă, đua klam kyua klei tŭ dưn mbĭt./.
Viết bình luận