Giăm 9 thŭn êlâo, Sang êa drao Chợ Rẫy - Phnôm Pênh – hdră bi hgŭm tal êlâo hlăm bruă mdrao mgŭn dua ala čar dưi ba yua. Hŏng djăp hnơ̆ng čuăn ênuk mrâo, sang êa drao đru mguôp yuôm bhăn hlăm hdră ksiêm mkă dlăng, mdrao klei ruă kơ mnuih ƀuôn sang Campuchia, boh nik ti ƀuôn prŏng phŭn Phnôm Pênh.

Ti knăm anei, Khua knŭk kna čih yap lehanăn bi mni dŭm klei gĭr mơ̆ng phung duh bi liê, êpul nai aê mdrao mơ̆ng Việt Nam lehanăn Campuchia ti Sang êa drao Chợ Rẫy - Phnôm Pênh; čang hmăng phung duh bi liê, phung nai aê mdrao ti Sang êa drao gĭr bi leh jih bruă klam dlăng kriê klei suaih pral kơ mnuih Campuchia./.