Blŭ hrăm hlăm knăm mphŭn rŭ mkra, Khua knŭk kna Phạm Minh Chính brei thâo, čiăng hdră bruă hnưm bi leh leh anăn mđĭ lar bruă klam jing boh kdrŭt đĭ kyar ktang kơ ƀuôn prŏng Cần Thơ.

Khua knŭk kna mtă: Bruă Đảng leh anăn Knŭk kna dŭm gưl mơ̆ng ƀuôn prŏng Cần Thơ brei thâo săng djăp bruă klam ti anăp Đảng, Knŭk kna leh anăn mnuih ƀuôn sang mjing klei găl kơ Phung rŭ mkra leh anăn kčĕ ktuê dlăng; mđing dlăng, gĭt gai, mkra mđĭ wăl duh bi liê mnia blei, mjing klei găl, msir mgaih pral hră mơar ăt msĕ mơh klei dleh dlan gun kpăk mơ̆ng phung duh bi liê leh anăn duh mkra hlăm klei rŭ mkra; mjêč hưn mdah kơ gưl phung mâo klei dưi msir mgaih klei gun kpăk, mđing dlăng kriê dlăng anôk hdĭp mda, dăp bruă leh anăn klei găl hdĭp mda mnuih ƀuôn sang jao leh lăn ala kơ hdră bruă./.