Ti knăm anei, bi ala Knŭk kna, Khua knŭk kna Phạm Minh Chính bi mni, h’êč hmưi kơ êpul kahan ksiêm bi kdơ̆ng hŏng phung soh matuĭ bi kdơ̆ng tŭ jing hŏng 3 boh klei 322D, 822T, 922T lehanăn dŭm boh tŭ dưi mâo hlăm wưng êgao, đru răng mgang klei êđăp ênang ala ƀuôn, mkăp tŭ dưn kơ bruă klam mđĭ kyar hdră duh mkra, dhar kreh, ala ƀuôn.

Hlăm wưng ti anăp, Khua knŭk kna mtă brei ksiêm dlăng klei mâo, ngă jăk hdră đru kčĕ hŏng bruă đảng dŭm gưl, bruă sang čư̆ êa dŭm gưl mđĭ hdră kiă kriê, hluê ngă dŭm asăp mtrŭn mơ̆ng Đảng, anôk bruă kƀĭn ala, knŭk kna, hdră êlan mtrŭn kơ bruă gang mkhư̆, bi kdơ̆ng hŏng phung soh matuĭ, iêu mtrŭt djăp ai dưi, klei mâo mơ̆ng jih anôk bruă kđi čar lehanăn jih jang mnuih ƀuôn sang hgŭm kngan gang mkhư̆ matuĭ./.