Khua knŭk kna nao ti Klei bi kƀĭn trông anôk bruă duh mkra Việt Nam - Belgium
Thứ sáu, 10:29, 16/12/2022
VOV TAYNGUYEN
VOV TAYNGUYEN
VOV4.Êđê- Hlăm hdră nao čhưn ti Belgium, tlam hruê 15/12, khua knŭk kna Phạm Minh Chính nao leh ti Klei kƀĭn trông anôk bruă duh mkra Việt Nam - Belgium
Blŭ ti knăm anei, Khua knŭk kna brei thâo, klei bi mjĕ lehanăn hgŭm bruă Việt Nam hŏng Belgium dôk đĭ kyar jăk siam lehanăn amâo mdei dưi bi kjăp, mđĭ lar hlăm djăp mta bruă, mơ̆ng hdră kđi čar truh kơ duh mkra, dhar kreh, mtô bi hriăm… Ară anei, Belgium mâo ênoh prăk duh bi liê ti Việt Nam truh giăm 1,1 êklai USD; prăk mnia mblei dua nah Việt Nam – Belgium thŭn 2022 đăo tĭng giăm 5 êklai USD.
Khua knŭk kna čang hmăng dŭm anôk bruă duh mkra Belgium lehanăn Ơrôp bi lu jơr lehanăn anôk mkăp mnơ̆ng dhơ̆ng… čiăng mtrŭt mđĭ hdră mnia mblei tŭ dưn lehanăn h’ĭt kjăp ti Việt Nam, mtă kơ anôk bruă duh mkra Belgium lehanăn Ơrôp lŏ dŏng duh bi liê lehanăn iêu mthưr dŭm anôk bruă duh mkra ala čar găp duh bi liê hlăm Việt Nam./.
Viết bình luận