Blŭ hrăm ti anôk mit tinh anăn Khua knŭk kna Phạm Minh Chính čang hmăng, grăp čô drei srăng sa mta bruă ngă klă mngač, hŏng ai tiê thâo mpŭ kơ hdră bhiăn, đru ba hdră bhiăn phŭn lehanăn klei bhiăn klă sĭt ñŭ kma hlăm ai tiê klei mĭn, lehanăn bruă ngă mơ̆ng grăp čô mnuih, phung duh mkra, dŭm anôk bruă, êpul êya lehanăn jih jang yang ƀuôn.

Mơ̆ng klei anăn hlue ngă djŏ ênoh čuăn lehanăn hdĭp mâo dhar kreh. Klei mkŏ mjing, bi lar, hlue ngă lehanăn ksiêm bruă hlue ngă hdră bhiăn mâo ngă leh hŏng klei jăk, srăng mjing klei tŭ dưn yuôm bhăn kơ lăn čar. Hlăm wưng kơ anăp, khua knŭk kna mtă lŏ dơ̆ng bi kjăp, mđĭ klei thâo săng, ngă tŭ jing hdră mtrŭn mơ̆ng klei bi kƀĭn Đảng kluôm ala 13, pral ba hdră mtrŭn gưl dlông 6 gưl 8, kơ klei lŏ dơ̆ng mkŏ mjing lehanăn bi leh klei bhiăn knŭk kna yang ƀuôn ngă phŭn Việt Nam hlăm ênuk gưl mrâo, leh mâo hdră mtrŭn hlue ngă./.