Hlăm gưl hruê čuă anei, Khua knŭk kna New Zealand Jacinda Ardern srăng nao hlăm knăm tŭ drông, blŭ hlăm hŏng Khua knŭk kna Phạm Minh Chính, bi tuôm hŏng phung čih klei mrâo, bi tuôm hŏng hŏng Khua gĭt gai Đảng Nguyễn Phú Trọng, blŭ hrăm hŏng Khua lăn čar Nguyễn Xuân Phúc leh anăn Khua bruă kƀĭn ala Vương Đình Huệ, nao hgŭm klei blŭ hrăm hnơ̆ng bruă Việt Nam – New Zealand, klei kƀĭn mkŏ bruă lŏ hma New Zealand mbĭt hŏng dŭm mta bruă mkăn.

Klei hriê čuă ala čar Việt Nam mơ̆ng Khua knŭk kna New Zealand Jacinda Ardern srăng đru mtrŭt mđĭ klei đăo knang bruă kđi čar, mtrŭt mđĭ klei bi mguôp plah wah 2 ala čar msĕ si bruă kđi čar – bruă hŏng tač êngao, bruă lĭng kahan, bruă duh mkra, duh bi liê, klei mă bruă, mtô mjuăt bi hriăm, kdrăp mrâo, klei mlih yan adiê leh anăn bruă mlih mrô.