Tlam hruê 13/11, leh Knăm drông, Khua knŭk kna Phạm Minh Chính bi trông hŏng Khua knŭk kna Alêmăng Olaf Scholz. Ti knăm anei, Khua knŭk kna bi mni kơ gưl hiu čhưn mơ̆ng Khua knŭk kna Olaf Scholz mâo boh tŭ yuôm bhăn, ba klei bi mjĕ dua ala čar đĭ kyar truh ti wưng mrâo. Hlăm ai êwa đăo knang lehanăn kpă ênuah, dua Khua knŭk kna bi trông kluôm kơ hdră mđĭ kyar bruă duh mkra – ala ƀuôn grăp ala čar, klei bi mjĕ hgŭm bruă dua nah lehanăn dŭm bruă hlăm krĭng, tar rŏng lăn dôk mđing.

Dua khua knŭk kna bi tŭ ư kơ hdră msir mtrŭt mđĭ klei bi hgŭm kluôm mơ̆ng dua âl čar, mđĭ hĭn klei bi trông dŭm gưl, boh nik gưl dlông plah wah bruă Đảng, Knŭk kna, Anôk bruă kƀĭn ala, lŏ dơ̆ng pŏk ngă tŭ dưn klei bhiăn hgŭm bruă dua nah. Kơ hdră duh mkra – mnia mblei, dua khua kiă kriê mtrŭt dŭm anôk bruă dua ala čar pŏk ngă djăp ênŭm, tŭ dưn Klei kuôl kă bruă mnia mblei êngiê Việt Nam - EU (EVFTA)./.