Tlam 13/12, leh knăm drông ti Sang Egmont, dua Khua knŭk kna mkŏ mjing leh hdră bi trông kơ bruă klam, hdră msir kñăm mtrŭt mđĭ klei bi hgŭm kluôm plah wah dua ala čar, boh nik Bi hgŭm kluôm dhuôm hlăm bruă lŏ hma, duh bi liê, mnia mblei lehanăn dŭm bruă mâo klei găl mkăn.

Dua tĭng tŭ ư pŏk mlar hdră bi hgŭm mơ̆ng dua ala čar hlăm bruă lĭng kahan – răng mgang klei êđăp ênang, mtô bi hriăm, dhar kreh, boh nik bruă mkŏ mjing Hruê m’ak dhar kreh ti grăp ala čar čiăng mđĭ klei bi mjĕ mnuih ƀuôn sang, bruă hiu čhưn ênguê lehanăn bi hgŭm msir mghaih klei lông dlăng tar rŏng lăn ară anei. Khua knŭk kna akâo kơ Knŭk kna Belgium lŏ mđing dlăng, mjing klei găl kơ mnuih Việt Nam dôk hdĭp ti Belgium ñŭ kma lehanăn đru mguôp hlăm hdră mđĭ kyar bruă duh mkra – ala ƀuôn Belgium, jing kdrông mkŏ mtrŭt mđĭ klei bi mjĕ dua ala čar./.