Khua knŭk kna mñă Việt Nam mprăp msir mghaih dŭm klei amâo thâo bi djŏ hlăm tar rŏng lăn hŏng dŭm ƀĭng hgŭm ala tač êngao ti dŭm anôk bruă dôk krah wah, bi mgrăng djŏ hŏng klei bhiăn tar rŏng lăn lehanăn ba wĭt klei tŭ dưn kơ dŭm tĭng. Khua knŭk kna mtă kơ PCA hluê hŏng Adŭ bruă bi ala ti Hà Nội srăng đru kčĕ kơ Việt Nam klei thâo msir mghaih dŭm bruă djŏ tuôm kơ lăn ala, hdră duh mkra, mnia mblei… mtă kơ PCA mjing klei găl tŭ jum mnuih Việt Nam mŭt mă bruă ti PCA.

Khua knơ̆ng bruă Marcin Czepelak lač jăk kơ Knŭk kna lehanăn Việt Nam mâo leh klei mđing dlăng, đru PCA pŏk adŭ bi ala ti Hà Nội. Khua knơ̆ng bruă bi mklă srăng hgŭm kjăp hŏng dŭm Phŭn, dhar bruă djŏ tuôm, pŏk ngă lu hdră mjuăt bi hriăm, mđĭ klei thâo, hrŏng ruah phung thơ̆ng kơ bruă Việt Nam kơ hdră mă bruă mơ̆ng Adŭ bruă PCA ti Việt Nam./.