Hlăm klei bi tuôm, dua khua knŭk kna mơak ti anăp klei đĭ kyar jăk siam mơ̆ng klei bi hgŭm dua nah hlăm dŭm thŭn giăm anei, boh nik hlăm bruă kđi čar - bruă hŏng tač êngao, klei êđăp ênang, mnia blei leh anăn duh bi liê, bi mklă lŏ dơ̆ng dlăng myuôm leh anăn mđing lu hĭn kơ bruă răng kriê leh anăn mđĭ kyar klei bi hgŭm prŏng leh anăn kluôm ênŭm Việt Nam – Lào ƀrư̆ hruê êlam hĭn, tŭ dưn klă sĭt kơ mnuih ƀuôn sang dua ala čar.

Bi trông kơ dŭm bruă lu ala čar leh anăn krĭng wăl mđing, dua tĭng bi tŭ ư lŏ dơ̆ng bi hgŭm tliêr kjăp, bi trông, đru kčĕ hlăm klei bi kƀĭn lu tĭng krĭng wăl leh anăn lu ala čar, boh nik ASEAN, Êpul hgŭm lu ala čar leh anăn dŭm klei bhiăn bi hgŭm krĭng, đru mđĭ klei bi hgŭm, bi tŭ ư leh anăn bruă klam mơ̆ng ASEAN ti anăp klei dleh dlan lông dlăng hlăm boh klei mrâo./.