VOV4.Êđê- Hruê 16/10, Khua knŭk kna Phạm Minh Chính mâo leh klei bi tuôm hŏng Khua gĭt gai, Khua dŭm knơ̆ng prăk mnia blei. Khua knŭk kna bi mni kơ bruă Ngăn prăl hmao mdrơ̆ng hŏng dŭm klei dleh dlan, lông dlăng mơ̆ng nah êngao leh anăn hlăm lam hlăm wưng êgao, hlue ngă jăk, mbĭt anăn 2 bruă klam: ktuê dlăng klei mnơ̆ng dhơ̆ng đĭ ênoh, hơĭt kjăp bruă duh mkra kluôm; mkăp prăk čan đru kơ bruă duh mkra.

Anôk bi kƀĭn

Hlăm wưng kơ anăp, Khua knŭk kna mtă kơ dŭm knơ̆ng prăk mnia blei hlue ngă hdră bhiăn, mđĭ klei dưi kriê dlăng, gĭt gai, klei thâo yua ngăn prăk, rơ̆ng êđăp ênang ngă bruă kƀĭn ala; Kƀĭn mđĭ hnơ̆ng jăk, klei tŭ dưn hdră bruă, hnơ̆ng jăk brei čan, rơ̆ng klei dưi klă mngač; mđĭ kyar hdră bruă, mđĭ klei tŭ dưn mbha prăk brei čan; lŏ dơ̆ng kčĕ bruă klam ala ƀuôn, gĭr hgŭm hlăm bruă msir klei ư̆ êpa, bi hrŏ klei ƀun, hdơr knga tla ai, kyua êpul êya./.

VOV/Pô mblang: H’Zawut Ƀuôn Yă