Khua knŭk kna Phạm Minh Chính mñă klă, Việt Nam dlăng kơ EU jing ƀĭng hgŭm bi mguôp tal êlâo hlăm hdră hŏng tač êngao mơ̆ng Việt Nam. Khua knŭk kna mñă klă, bruă duh mkra mtah, bruă duh mkra mrô, bruă duh mkra dar leh anăn đĭ kyar kjăp jing klei yuôm bhăn hlăm hdră êlan mđĭ kyar bruă duh mkra – ala ƀuôn mơ̆ng dŭm ala čar, alŭ wăl, knơ̆ng bruă leh anăn ba truh lu klei tŭ jing hlăm lu ala čar.

Knŭk kna Việt Nam bi êdah leh klei gĭr ktưn leh anăn hmăng hmưi mkŏ mjing klei mlih ktang leh anăn tŭ dưn hĭn hlăm wưng kơ anăp hŏng klei bi klă hdră ala čar kơ klei đĭ kyar wưng thŭn 2021 – 2030, tă hdră truh ti thŭn 2050. Jing ala čar hlăk đĭ kyar, ƀiădah Việt Nam jhŏng mâo leh dŭm klei ƀuăn rơ̆ng ktang phĭt kơ klei đĭ kyar kjăp. Việt Nam hrăm mbĭt leh hŏng 150 ala čar ƀuăn rơ̆ng ba êwa čhŏ wĭt knar hŏng “0” ti krah ênuk 100 thŭn, mbĭt hŏng êbeh 100 ala čar ƀuăn bi hrŏ êwa čhŏ metan tar rŏng lăn ti thŭn 2030.