VOV4.Êđê-  Aguah mbrue (17/10), Khua knŭk kna Phạm Minh Chính drông čhưn leh hŏng khua phŭn bruă duh mkra mnia mblei Australia Tim Ayres ƀri mâo gưl hriê čhưn ti Việt Nam, lehanăn kiă kriê klei bi kƀĭn OECD – Ngŏ Dhŭng Asi 2022 ti Hà Nội. Khua knŭk kna čang hmăng kơ Khua phŭn bruă Tim Ayres đru mtrŭt klei bi hgŭm duh mkra mnia mblei, lehanăn klei duh bi liê dua ala čar, hlăm anăn mâo bruă Australia lŏ dơ̆ng pŏk ƀăng klei bi mnia mblei dŭm mta boh mnga bruă lŏ hma, kan hdang Việt Nam, mjing klei găl kơ phung duh mkra Việt Nam dưi buh bi liê ti Australia, lehanăn mtrŭt phung duh mkra Australia hriê duh bi liê kơ Việt Nam.

 Khua knŭk kna drông Khua klam bruă mnia blei leh anăn mkra mjing Australia

 Lehanăn čang hmăng kơ Australia mjing djăp klei găl kơ mnuih Việt Nam ti Australia hdĭp mda, ngă bruă, dưi ñu kma hŏng lăn čar anei. Khua phŭn bruă Tim Ayres lač, knŭk kna Australia yap yuôm klei bi mguôp hŏng Việt Nam, lehanăn čiăng mâo klei hyuă kjăp klei hgŭm bruă hlăm djăp mta dơ̆ng mơ̆ng klei duh mkra mnia mblei, klei duh bi liê, bruă lŏ hma, bruă sang hră mơar, bruă dhar kreh lehanăn mnuih ngă bruă./.

VOV/Pô mblang Y-Khem