Ti anôk đrông anei, Khua knŭk kna Phạm Minh Chính bi yuôm dŭm boh tŭ dưn leh mâo Nigeria hlăm bruă kđi čar, bruă duh mkra mnia mblei, dưi mdrơ̆ng hŏng klei ruă tưp Covid 19, jing leh ala čar mâo klei duh mkra hơĭt hĭn ti Afrĭk.

Bi trông kơ klei hgŭm dua nah, khua knŭk kna čang hmăng kơ dua ala čar mâo klei bi mguôp kjăp ba klei thâo bi mguôp dua ala čar jăk hĭn, mkŏ mjing jêñ klei bi tuôm phung khua kiă kriê, kñăm mđĭ hĭn klei bi thâo săng, bi đăo knang kơ jih jang bruă tui si klei găl mơ̆ng mdê bi ala čar, kñăm bi đru hdơ̆ng găp mđĭ kyar boh nik hlăm bruă duh mkra. Bi trông kơ dŭm bruă ala tač êngao lehanăn bruă hlăm alŭ wăl, dua ala čar mđing kơ jih jang hdră mghaih msir ya mta klei amâo mâo thâo bi djŏ hŏng hdră bi blŭ hrăm, tui si klei bhiăn tar rŏng lăn./.