Ti anôk drông anăn, Khua knŭk kna bi ala kơ Đảng, knŭk kna mâo klei hơêč hmưi truh hŏng Klei đăo Yơng Việt Nam mkŏ mjing tŭ jing leh klei bi kƀĭn prŏng klei đăo Yơng kluôm ala tal 9, wưng păn bruă 2022 – 2027. Khua knŭk kna mñă, klei đăo yơng Việt Nam mâo leh lu klei đru mguôp hŏng hdră Đru răng mgang lăn čar, brei phung ƀuôn sang êđăp ênang, mâo leh lu mnuih hing ang kơ hƀuê ênuk, phung jhŏng ktang kơ djuê ana, mâo klei bi mguôp hŏng klei đăo Yơng.

Hlăm dŭm thŭn êgao, hŏng hdră êlan Păn kjăp klei đăo – djuê ana – Hdră êlan yang ƀuôn ngă phŭn” lŏ dơ̆ng hlăm bruă mơ̆ng klei đăo Yơng Việt Nam. Êpul khua kiă kriê klei đăo Yơng Việt Nam găn leh djăp klei dleh dlan, mđĭ kyar amâo mâo mdei hlăm djăp mta bruă. Ba akŏ hlăm klei bi ktưn thâo khăp kơ lăn čar, bi mguôp hŏng jih jang klei đăo, bi êdah klei siă suôr plah wah hdr êlan klei đăo hŏng djuê ana, jih ai tiê ktưn kyua kơ sa klei hdĭp jăk yâo, trei mđao, kơ phung ƀuôn sang./.