Ti mmông drông, Khua knŭk kna Phạm Minh Chính bi mklă Việt Nam dlăng myuôm klei bi hgŭm hŏng Belgium, bi êdah klei čang hmăng hlăm wưng pô păn bruă, Khua bi ala srăng lŏ dơ̆ng đru mguôp hlăm klei mđĭ kyar bruă bi hgŭm plah wah Việt Nam leh anăn Belgium.

Khua knŭk kna mtă kơ dua ala čar lŏ dơ̆ng bi hgŭm, bi đru hlăm klei bi kƀĭn lu tĭng leh anăn lu ala čar, boh nik hlăm Êpul hgŭm lu ala čar, ASEM, ala čar blŭ klei Prăng, ASEAN-EU… leh anăn bi hgŭm mkŏ mjing tŭ jing Klei bi kƀĭn gưl dlông ASEAN-EU hlăm krah hrue kăm mlan 12 kơ anăp ti Belgium. Bruă kơ Êa ksĭ Ngŏ, dua tĭng bi tŭ ư hnơ̆ng yuôm bhăn mơ̆ng bruă mđĭ lar klei êđăp ênang leh anăn êngiê hlăm êa ksĭ leh anăn wăl adiê, msir mgaih klei bi mmiă mơ̆ng hdră bhiăn lu ala čar, hlăm anăn mâo Jar klei kuôl kă bi hgŭm lu ala čar kơ Hdră bhiăn êa ksĭ 1982./.