Khua knŭk kna Phạm Minh Chính bi êdah klei mơak kơ klei đĭ kyar mơ̆ng UAE, hlăm anăn mâo Dubai. Khua knŭk kna bi mni kơ Anôk bruă ngăn prăk Dubai, sa hlăm dŭm Anôk bruă ngăn prăk mrô sa dlông rŏng lăn. Khua knŭk kna čang hmăng kơ Anôk bruă Ngăn prăk Dubai bi hgŭm hŏng Việt Nam mđĭ kyar dŭm hdră ngă bruă ngăn prăk, đru mđĭ kyar Anôk bruă ngăn prăk ƀuôn prŏng Hồ Chí Minh.

Arif Amiri brei thâo srăng đru bi kah mbha klei thâo mkŏ mjing anôk bruă ngăn prăk leh anăn bi hgŭm hŏng Việt Nam hlăm bruă ngăn prăk. Khua gĭt gai Anôk bruă ngăn prăk Dubai čang hmăng hnưm hriê čhưn ti Việt Nam, boh nik ƀuôn prŏng Hồ Chí Minh čiăng hlue ngă boh phŭn bi hgŭm hlue si klei Khua knŭk kna Phạm Minh Chính iêo jak.