Khua knŭk kna Phạm Minh Chính hơ̆k mơak mâo drông khua phŭn bruă lĭng kahan Australia hriê čhưn ti Việt Nam. Pô djă akŏ knŭk kna Việt Nam bi myuôm boh tŭ dưn klei hgŭm bruă lĭng kahan dua ala čar hlăm wưng leh êgao, jing leh klei mngač hlăm bruă bi mguôp dua ala čar, boh nik hlăm bruă mjuăt bi hriăm, bi răng mgang klei êđăp ênang mơ̆ng Êpul hgŭm lu ala čar, bruă nai êa drao kahan, boh nik ti anôk bi kƀĭn phung khua phŭn bruă lĭng kahan ASEAN pok mlar ADMM+.

Khua knŭk kna čang hmăng kơ dua ala čar lŏ nga lu bruă hĭn, boh nik hlăm jih jang bruă hgŭm hŏng Êpul hgŭm lu ala čar, akâo kơ Australia đru kơ bruă mkŏ mkra sang êa drao jing jai mơ̆ng Việt Nam nao truh kơ Sudan hlăm thŭn 2023, lehanăn hlăm dŭm thŭn kơ anăp., mơ̆ng anăn bi êdah bruă klam mơ̆ng dua nah hŏng bruă hgŭm tar rŏng lăn./.