Khua Knŭk kna bi mni kơ bruă bi hgŭm, klei ksiêm dlăng leh anăn djŏ guôp mơ̆ng Phŭn bruă ngăn prăk Mi kơ gĭt gai ngăn prăk, ênoh yuôm mơ̆ng Việt Nam. Hlăm ai tiê kpă ênô, đăo knang, Khua Knŭk kna mtă dua tĭng lŏ dơ̆ng bi trông gưl dlông leh anăn dŭm gưl, mđĭ klei bi mkŏ dua bruă duh mkra, mđĭ klei bi hgŭm mnia blei, duh bi liê, hlăm anăn mđĭ kyar mtah, mlih mrâo mbruă, kdrăp mrâo, hdră mkăp…

Mbĭt anăn, mđĭ klei bi hgŭm hlăm klei mdrơ̆ng hŏng klei bi mlih yan adiê, hlue ngă Klei blŭ bi hgŭm ba yua êa pui êwa čuh mtăp mđơr, đru kơ Việt Nam đĭ kyar bruă duh mkra êa pui êwa čuh mkra mjing. Khua phŭn bruă ngăn prăk Mi bi mklă Việt Nam jing ƀĭng hgŭm ƀrư̆ hruê ƀrư̆ yuôm bhăn hŏng Mi leh anăn ngă bruă klam phŭn hlăm hdră bruă India- Pacific mơ̆ng ala čar anei. Mi čang hmăng mđĭ ktang klei bi hgŭm bruă duh mkra, mnia blei hŏng việt Nam; mâo hdră kčah mđĭ klei bi hgŭm hŏng Việt Nam kơ hdră mkăp mơ̆ng tur knơ̆ng bi hgŭm kluôm, đăo knang; đru Việt Nam mđĭ  klei thâo mkra mjing chip bán dẫn leh anăn êa pui êwa čuh mkra mjing./.