Klah čŭn ti anôk bi kƀĭn, Khua knŭk kna hlak mblang leh klei mâo hlăm tar rŏng lăn, hlăm ala čar mbĭt anăn hưn mdah klei dleh dlan, gun kpăk dôk mâo. Khua knŭk kna mtă brei hluê ngă kjăp Hdră mtrŭn Klei kƀĭn tal XIII mơ̆ng Đảng, klei klah čŭn mơ̆ng gưl dlông, anôk bruă kƀĭn ala, knŭk kna, bi sĭt dŭm hdră êlan mtrŭn hlăm hdră bruă, klei đua klam mơ̆ng dŭm gưl, dhar bruă, alŭ wăl.

Lŏ dơ̆ng hluê ngă mta kñăm mđĭ kyar kjăp bruă duh mkra kluôm, ksiêm dlăng klei prăk luič ênoh, mtrŭt mđĭ kyar, rơ̆ng klei bi knar plah wah hdră duh mkra. Boh nik, Khua knŭk kna mtă, brei rơ̆ng klei tŭ jăk, hdră hluê ngă mơ̆ng dŭm hdră bruă, ba mdah kơ Phŭn bruă kđi čar, Anôk dlăng bruă Đảng, Klei kƀĭn gưl dlông, hdră kiă kriê, gĭt gai djŏ hŏng klei mâo sĭt, ksiêm dlăng kjăp klei mâo, ba mdah hdră mtrŭn djŏ guôp./.