Khua knŭk kna Phạm Minh Chính bi mni kơ Phŭn bruă ksiêm dlăng bruă knuă hlăm ala čar lehanăn dŭm Phŭn, dhar bruă hlăm Knŭk kna pral, pŏk ngă tŭ dưn dŭm bruă klam mâo kčah jao. Khua knŭk kna mñă, bi khuăt anôk bruă ƀiădah brei ngă bruă tŭ dưn, bi hrŏ klei dôk krah wah, bi hrŏ phung ba akŏ ƀiădah amâo bi hrŏ klei đua klam lehanăn mđĭ klei ngă bruă hlăm gưl nah gŭ, mđĭ hdră bi mlih mrô hlăm hdră kriê dlăng knŭk kna čiăng bi hrŏ klei bi tuôm klă anăp, bi hrŏ klei bhiăn akâo brei, bi hrŏ klei ngă amâo djŏ, klei ƀơ̆ng ngăn.

Khua knŭk kna Phạm Minh Chính mtă, hlăm hdră mkŏ dăp, bi khuăt anôk bruă brei bi knar boh tŭ mơ̆ng anôk bruă knŭk kna lehanăn boh tŭ kơ phung knuă druh, mnuih mă bruă čiăng čih mkra dŭm klei bhiăn, hdră mtrŭn djŏ guôp, rơ̆ng klei tŭ dưi djŏ hdră bhiăn hlăm hdră mtrŭn. Mbĭt anăn, brei bi leh dŭm bruă klam kđi čar mâo kčah mtrŭn./.