Ti knăm anei, phung bi ala hmư̆ leh klei hưn mdah, ba klei blŭ čiăng hlak mblang, tĭng dlăng dŭm boh tŭ dưi mâo, dŭm klei êdu kƀah, gun kpăk dôk mâo lehanăn ba mdah hdră msir, bruă klam čiăng pŏk ngă tŭ dưn bruă mtô mblang kơ hdră mtrŭn hlăm wưng ti anăp.

Blŭ ti knăm anei, Khua knŭk kna Phạm Minh Chính mtă, brei msa ai hlăm klei thâo săng, boh tŭ yuôm, bruă klam, ai ktang mơ̆ng hdră mtô mblang kơ hdră mtrŭn. Bruă bi leh klei bhiăn, hdră mtrŭn mtô mblang jing bruă klam yuôm hlăm hdră kriê dlăng knŭk kna mơ̆ng dŭm phŭn, dhar bruă, alŭ wăl. Mđĭ klei đua klam mơ̆ng dŭm gưl hlăm bruă anei, boh nik mnuih djă akŏ. Ngă jăk hdră mtô mblang kơ hdră mtrŭn hlăm bruă kriê dlăng knŭk kna mơ̆ng dŭm phŭn, dhar bruă, alŭ wăl./.