Khua knŭk kna gĭt gai lẹh Klei bi kƀĭn bruă gang mkhư̆ klei ruă Covid 19 tal 18 mơ̆ng Êpul gĭt gai hŏng 63 čar, ƀuôn prŏng gưl dlông. Blŭ hlăm klei kƀĭn, Khua knŭk kna Phạm Minh Chính mñă klă, bi klă bruă gang mkhư̆ klei ruă tưp Covid-19 jăk hĭn čiăng mâo klei găl hluê ngă dŭm bruă klam kđi čar, mđĭ kyar bruă duh mkra ala ƀuôn thŭn 2022, thŭn 2023 leh anăn dŭm thŭn kơ anăp.

Êpul gĭt gai mkŏ mjing klei kƀĭn tal 18 čiăng bi klă boh sĭt leh anăn bruă gang mkhư̆ klei ruă tưp Covid-19 ăt msĕ hŏng dŭm mta klei ruă tưp mkăn. Čiăng gang mkhư̆ klei ruă tưp Covid-19 mâo boh tŭ dưn, răng mgang klei suaih pral, klei hdĭp mnuih ƀuôn sang, mkŏ mjing klei găl čiăng krŭ wĭt, mđĭ kyar bruă duh mkra ala ƀuôn čiăng lŏ dơ̆ng ksiêm dlăng ktang phĭt, bi klă, hlăk mblang kơ boh sĭt, čŏng mkŏ mjing dŭm hdră êlan bi mdrơ̆ng hŏng djăp boh klei tam mâo, mbĭt anăn lŏ hmao thâo, bi mbŏ dŭm klei mtô leh anăn đru kơ dŭm alu wăl hlăm bruă gang mkhư̆ klei ruă tưp Covid-19.