Klei kƀĭn dưi mkŏ mjing hŏng êlan online bi mguôp klă anăp mkŏ mơ̆ng anôk bruă knŭk kna hŏng 33 čar, ƀuôn prŏng gưl dlông dôk mâo dŭm hdră mkŏ mkra êlan klông yuôm bhăn, hdră êlan klông kñăm. Blŭ bi klă hlăm klei kƀĭn, Khua knŭk kna Phạm Minh Chính mñă ktang bruă hluê ngă mâo boh tŭ dưn dŭm hdră êlan srăng đru hluê ngă 3 hdră kdlưn hĭn hlăm klei kƀĭn prŏng tal 13 mơ̆ng Đảng, hlăm anăn mâo klei kdlưn hĭn kơ bruă mkŏ mkra êlan klông.

Kyuanăn, dŭm phŭn, dhar bruă, alŭ wăl čiăng mlih mrâo klei mĭn, klei ngă bruă, mgaih msir boh klei, mlih mrâo hdră ngă bruă, klei dôk dơ̆ng ƀơ̆ng huă hdơ̆ng pô leh anăn hŏng bruă mă, lač nao mbĭt hŏng ngă, ƀuăn srăng ngă leh anăn hluê ngă mâo boh tŭ dưn. Hlăm klei kƀĭn, Khua knŭk kna brei leh boh blŭ kơ grăp hdră mkŏ mkra, hdră mkăp yuôm bhăn hlăm ala čar leh anăn jao bruă klam kơ dŭm Phŭn bruă, dhar bruă, alŭ wăl.