Blŭ hrăm ti anôk bi kƀĭn anei, Khua knŭk kna mñă, hlăm 9 mlan leh êgao, bruă mđĭ mlih hdră êlan ngă bruă mâo ngă leh djăp ênŭm lehanăn dưi ba wĭt klei tŭ dưn jăk kơ jih jang bruă knŭk kna kiă kriê, đru mguôp leh yuôm bhăn kơ klei mđĭ kyar duh mkra ala ƀuôn lăn čar pô. Siămdah, mbĭt hŏng dŭm boh tŭ dưn leh mâo, ăt adôk lu mơh klei awăt êdu. Khua knŭk kna mtă kơ jih jang êpul khua kiă kriê lŏ bi mklă, bruă klam pô hŏng jih jang hdră êlan bi mlih, boh nik mơ̆ng dŭm phŭn dhar bruă, mơ̆ng anăn čŏng bi mguôp kjăp jih jang dŭm phŭn dhar bruă lehanăn knơ̆ng bruă sang čư̆ êa dŭm čar, ƀuôn prŏng hlăm gưl dlông ngă bi jăk jih jang bruă adôk kơ klei mđĭ mlih hlăm dŭm mlan knhal jih thŭn, hŏng bruă ngă mrâo, mâo klei tŭ jing djŏ hŏng hdră êlan knŭk kna ngă bruă jing “bi mguôp kjăp tui si klei bhiăn, čŏng thâo dưn yua, êđăp ênang tŭ jing, kơrŭ wĭt klei mđĭ kyar”./.