Tui si klei hâo mdah, hlăm 6 mlan akŏ thŭn, bruă mđĭ mlih klei knŭk kna ngă bruă lŏ dơ̆ng mlih mrâo nanao. Hlăm anăn mđing mghaih msir klei dleh dlan, klei gun kpăk djŏ tuôm hŏng bruă ngă hră mơar. Dŭm phŭn dhar bruă, alŭ wăl gĭr ngă bi leh bruă jao. Tui si klei yap jih jang bruă bi mlih hdră êlan ngă bruă mâo leh dŭm phŭn dhar bruă čoh čuăn leh truh 845 mta bruă, knơ̆ng bruă sang čư̆ êa dŭm boh čar, ƀuôn prŏng mâo mtrŭn leh truh 3003 bruă čuăn.

Dŭm phŭn dhar bruă gưl dlông bi leh truh 296 bruă čuăn; Knơ̆ng bruă sang čư̆ êa dŭm boh čar, ƀuôn prŏng mâo bi leh truh 1384 bruă čuăn. Khua knŭk kna mtă, phung khua kiă kriê hlăm êpul gĭt gai bi lač, ngă bi klă mngač hĭn jih jang boh tŭ dưn leh mâo, dŭm klei awăt kƀah hlăm klei ngă bruă, tal êlâo mghaih msir mtam dŭm klei dleh ktrŏ, lŏ bi jăk hdră êlan ngă bruă hŏng klei knhăk./.