Bi klă hlăm mmông mă bruă, Khua knŭk kna Phạm Minh Chính pah mni dŭm klei gĭr leh anăn boh tŭ dưn dưi mâo mơ̆ng Bruă Đảng čar, bruă sang čư êa, lĭng kahan leh anăn mnuih ƀuôn sang čar Bắc Kạn, đru mguôp yuôm bhăn hlăm boh tŭ mbĭt mơ̆ng lăn čar. Hlăm wưng kơ anăp, Khua knŭk kna mtă, čar Bắc Kạn hluê ngă jăk, tŭ dưn hdră mtrŭn klei kƀĭn kluôm tal 13 mơ̆ng Đảng, hdră mtrŭn klei kƀĭn bruă Đảng čar, nao klă hŏng boh sĭt, mâo klei gĭr ktưn, ngă bruă ktang phĭt, tŭ dưn. Jing alŭ wăl mâo lu djuê ana mnuih djuê ƀiă hdĭp mda, duh bi liê kơ bruă mkŏ mkra, bruă hiu čhưn ênguê nao mbĭt hŏng răng mgang klei êđăp ênang leh anăn amâo mâo mdei bi hơĭt klei hdĭp mnuih ƀuôn sang.

Mđĭ kyar srăng nao mbĭt hŏng klei mtăp mđơr yang ƀuôn, Khua knŭk kna mñă ktang, čar srăng ngă jăk bruă čuăl mkă leh anăn mđĭ kyar bruă mkŏ mkra, dlăng anăn jing bruă klam kđi čar yuôm bhăn leh anăn mđing tal êlâo mơ̆ng čar. Mjêč bi leh, leh anăn bi klă hdră čuăl mkă čar wưng thŭn 2021 – 2030, tă hdră truh ti thŭn 2050.