Klah čŭn ti knăm anei, Khua knŭk kna bi mni ƀuôn prŏng Hồ Chí Minh thŭn anei khădah tuôm hŏng lu klei dleh dlan, lông dlăng ƀiădah ăt ba wĭt lu klei tŭ dưn hlăm hdră mđĭ kyar bruă duh mkra – ala ƀuôn, mâo 15/19 hnơ̆ng čuăn dưi mâo lehanăn êgao hdră kčah. Kơ bruă klam wưng ti anăp, Khua knŭk kna, ƀuôn prŏng Hồ Chí Minh brei mkŏ mjing hdră ksiêm dlăng jih bruă knuă čiăng mŭt hlăm thŭn 2023 hŏng ai êwa mrâo.

Êlâo hĭn, ƀuôn prŏng mđing kơ hdră čuăl mkă, mtrŭt mđĭ bruă mkăp ngăn prăk knŭk kna lehanăn 2 hdră ala čar kñăm. Hlăm anăn, ƀuôn prŏng brei bi hgŭm hŏng dŭm phŭn, dhar bruă msir mghaih klei gun kpăk, mtrŭt mđĭ bruă hluê ngă 5 hdră phŭn, mâo: Êlan êdeh treng ƀuôn prŏng, êlan Ktuê roh 3 ƀuôn prŏng, Sang jưh t3 tač êdeh phiơr prŏng Tân Sơn Nhất; êlan pral Hồ Chí Minh – Mộc Bài, Tây Ninh. Mbĭt anăn, ƀuôn prŏng Hồ Chí Minh brei hluê ngă kjăp hdră mdrơ̆ng hŏng klei ruă Covid 19, boh nik hdră tlŏ vaccine kñăm ksiêm dlăng kjăp klei ruă tưp./.