Hlăm klei dôk mă bruă ti čar Vĩnh Long, nao ti anôk bi hdơr 100 thŭn hrue kkiêng kơ khua knŭk kna êlâo dih Võ Văn Kiệt, tlam mbrue (23/11) Khua knŭk kna Phạm Minh Chính mă leh bruă hŏng êpul khua kiă kriê bruă Đảng čar Vĩnh Long kơ klei duh mkra ala ƀuôn thŭn 2022, tă hdră mă bruă kơ thŭn 2023. Blŭ klah čŭn ti anôk mă bruă Khua knŭk kna hlak mblang leh klei găl, lehanăn dŭm klei adôk awăt êdu, mơ̆ng anăn Khua knŭk kna lŏ kčĕ kơ jih jang bruă srăng ngă, hdră mă bruă hlăm wưng kơ anăp.

Mơ̆ng brei Vĩnh Long lŏ hyuă kjăp hĭn, hlue ngă dŭm hdră mtrŭn mrô 13 mơ̆ng Gưl dlông kơ klei mđĭ kyar bruă duh mkra ala ƀuôn, bruă răng mgang klei êđăp ênang ti krĭng Dap Mnai Krông Cửu Long. Hdră mtrŭn mrô 120 mơ̆ng knŭk kna kơ klei mđĭ kyar kjăp krĭng Dap Mnai Krông Cửu Long dưi mdrơ̆ng hŏng klei bi mlih yan adiê, lehanăn dŭm hdră mtrŭn mơ̆ng bruă Đảng čar. Dưn yua, hluê nga djŏ jih jang hdră êlan mơ̆ng Đảng, klei bhiăn knŭk kna, tui si klei khua knŭk kna, lehanăn knŭk kna kiă kriê./.