Hlăm klei bi kƀĭn,  Phŭn bruă êlan klông dŭ mdiăng hưn leh kơ boh klei pŏk ngă hdră bruă êlan dơ̆ng êran pral Cần Thơ - Cà Mau kdrêč Hậu Giang - Cà Mau, dŭm anôk bruă hưn boh klei kơ hnơ̆ng; găl ênưih kơ klei dleh dlan, gun kpăk, mkŏ mjing hdră kčah rơ̆ng bi leh hlăm thŭn 2025, gĭr ktưn hnưm hĭn hdră kčah.

Blŭ hrăm hlăm klei bi kƀĭn hŏng khua gĭt gai dŭm phŭn, dhar bruă, dŭm alŭ wăl, Khua knŭk kna mtă kƀĭn bi trông kơ bruă phŭn, hlăm anăn: ksiêm dlăng gưl bruă đảng nah gŭ  ngă bruă jih ai tiê leh ka; lŏ ksiêm dlăng klei rŭ mjing, mă bruă djŏ hnơ̆ng kčah leh ka; kơ čuah, boh tâo čuh hli ya klei adôk gun kpăk, leh anăn ksiêm dlăng êlan mơ̆ng Cà Mau truh kơ kdriêk knhal tuč; Mbĭt anăn bi trông kơ bruă bi hgŭm plah wah dŭm čar hlăm bruă mkăp mnơ̆ng pioh rŭ mdơ̆ng… Khua knŭk kna Phạm Minh Chính lŏ mñă wĭt krĭng Dap mnai krông Cửu Long mâo 2 anôk adôk kpăk kơ anôk bruă nah gŭ leh anăn mnuih mă bruă. Đảng, Knŭk kna mđing uêñ kơ bruă msir mgaih. Hlue si hdră kčah, truh thŭn 2030, krĭng Dap Mnai Krông Cửu Long mâo 1.200 km êlan dơ̆ng êran pral, jih ai tiê hlue ngă hdră kñăm anei.