Gưl Khua knŭk kna nao čhưn tŭ jing jăk siam, mâo hdră kñăm kčah hŏng lu boh tŭ yuôm bhăn, klă sĭt, đru mđĭ klei bi hgŭm hŏng tlâo ala čar. Khua gĭt gai dŭm ala čar mâo leh klei drông jăk, kdrưh kơăm kơ khua gĭt gai ala čar drei brei ƀuh jih tlâo ala čar dlăng myuôm klei bi hgŭm hŏng Việt Nam hlăm hdră êlan “Mđing kơ krĭng Ngŏ”, mbĭt anăn dlăng Việt Nam jing ala čar hgŭm mrô ti Ngŏ Dhŭng Asi.

Dŭm boh tŭ dưi mâo hlăm gưl Khua knŭk kna nao čhưn srăng pŏk ngă tŭ dưn, đru ba klei bi hgŭm kluôm plah wah Việt Nam leh anăn UAE, Saudi Arabia leh anăn Qatar ƀrư̆ hruê ƀrư̆ đĭ kyar kluôm, êlam, ba klei tŭ dưn klă sĭt kơ mnuih ƀuôn sang, anôk bruă duh mkra dua tĭng, đru kơ klei êđăp ênang, hơĭt kjăp leh anăn mđĭ kyar krĭng wăl leh anăn dlông rŏng lăn ăt msĕ mơh đru ba Việt Nam kjăp ktang hlăm ênuk mrâo, ênuk kpưn đĭ mơ̆ng djuê ana.