Aguah anei, 8/11, êdeh phiơr mdiăng Khua knŭk kna Phạm Minh Chính djă akŏ êpul bi ala gưl dlông Việt Nam nao leh ti Anôk bi kƀĭn gưl dlông ASEAN tal 40, 41, dŭm klei bi kƀĭn gưl dlông djŏ tuôm lehanăn nao čhưn ti Campuchia hluê asăp jak iêu mơ̆ng Khua knŭk kna Campuchia, Samdech Techo Hun Sen. Anei jing gưl hiu čhưn ti Campuchia tal êlâo mơ̆ng Khua knŭk kna Phạm Minh Chính hŏng k’hưm jing Khua knŭk kna, ăt jing gưl nao čhưn tal êlâo mơ̆ng sa čô khua kiă kriê knơ̆ng ala čar Việt Nam truh ti Campuchia hlăm Thŭn mjĕ mjuk Việt Nam - Campuchia 2022.

Hlăm klei bi kƀĭn gưl dlông ASEAN, Khua knŭk kna Phạm Minh Chính srăng mâo klei blŭ hrăm yuôm bhăn, bi êdah klei mĭn ăt msĕ mơh klei hưn mdah mơ̆ng Việt Nam hlăm hdră bi kjăp klei hgŭm mguôp, bi mklă bruă klam phŭn mơ̆ng ASEAN, mđĭ hdră bi hgŭm ti krĭng wăl, mđing kơ dŭm bruă ară anei, mđĭ klei bi mjĕ mơ̆ng ASEAN hŏng ƀĭng hgŭm, bi trông kơ dŭm bruă mâo hlăm krĭng lehanăn tar rŏng lăn./.