Blŭ hrăm anăp phung knuă druh, nai mtô, mnuih mă bruă, phung hriăm, lĭng kahan Sang hră ksiêm hriăm kdrăp bruă lĭng kahan, Khua knŭk kna Phạm Minh Chính mơak lehanăn ktưn hưn hlăk nao čhưn ti Sang hră ksiêm hriăm kdrăp bruă lĭng kahan – sang hră gưl prŏng phŭn mơ̆ng ala čar, jing anôk mjuăt bi hriăm, ksiêm hriăm kreh knhâo kdrăp mrâo mrô sa mơ̆ng lĭng kahan.

Ktưn hưn, mơak hŏng knhuah gru kdrưh kơăm lehanăn dŭm klei thâo yuôm bhăn hlăm giăm 60 thŭn mkŏ mkra lehanăn đĭ kyar, Khua knŭk kna čang hmăng lehanăn đăo knang, Sang hră ksiêm hriăm bruă lĭng kahan lŏ dơ̆ng mđĭ lar knhuah gru kdrưh kơăm, gĭr ktưn, mâo leh boh tŭ dưn, bi leh jih bruă klam mâo kčah jao, đru mguôp hŏng Đảng, jih jang mnuih ƀuôn sang, kluôm êpul kahan hluê ngă tŭ dưn bruă klam mkŏ mkra lehanăn răng mgang Ala čar hlăm boh klei mrâo./.