Khua knŭk kna bi myuôm, găn leh 48 thŭn hrue mkŏ mjing sang hră lehanăn đĭ kyar mơ̆ng sang hră ksiêm hriăm kơ bruă lĭng kahan mâo leh dŭm boh tŭ dưn jăk msĕ si bruă kăp kčĕ kơ hdră êlan bruă lĭng kahan, mkŏ mjing lĭng kahan. Kơ bruă čuăn bruă lĭng kahan wưng ti anăp, khua knŭk kna mtă kơ sang hră ksiêm hriăm bruă lĭng kahan kăp ksiêm dlăng kjăp, mkă tĭng bi djŏ jih jang boh klei dlông rŏng lăn, lehanăn alŭ wăl  dôk găn.

Mơ̆ng anăn mâo hdră êlan kăp kčĕ kơ Đảng, kơ knŭk kna kơ hdră êlan bi hgŭm, hlei jing ƀĭng hgŭm năng mâo klei bi mguôp kjăp, lehanăn ngă djŏ jih jang bruă, mđing kơ klei ksiêm wĭt, bi leh bruă hlak mblang, bruă kreh knhâo, hdră êlan klei bi blah, bruă răng mgang lăn čar. Mđĭ hnơ̆ng kjăp bruă ksiêm duah, mkă tĭng boh klei, čiăng mâo hdră êlan bi djŏ pioh kơ klei mđĭ kyar lăn čar, ƀiădah ăt păh kjăp klei hnŭk êngiê lăn čar, čŏng pô kiă kriê. Mbĭt anăn lŏ mâo klei ksiêm duah, mâo hdră êlan akâo kơ klei mđĭ kyả rbruă duh mkra ala ƀuôn, mđrĭng hŏng bruă răng mgang lăn čar, răng mgang klei êđăp ênang, lehanăn bruă hŏng tač êngao./.