Khua knŭk kna Phạm Minh Chính nao hlăm dŭm bruă tal êlâo ti anôk bi kƀĭn gưl dlông ASEAN
Thứ sáu, 10:28, 11/11/2022
VOV TAYNGUYEN
VOV TAYNGUYEN
VOV4.Êđê- Tlam mbrue (10/11), Khua knŭk kna Phạm Minh Chính mbĭt hŏng phung khua kiă kriê dŭm ala čar ASEAN nao hlăm klei bi trông hŏng phung bi ala Êpul gơ̆ng phung khua prŏng bruă kƀĭn ala ASEAN AIPA, bruă hlăk ai, lehanăn Êpul Gơ̆ng bruă kčĕ đru kơ klei duh mkra ASEAN ABAC.
Anei jing bruă tal êlâo hlăm jih jang dŭm klei bi kƀĭn gưl dlông ASEAN tal 40; 41 lehanăn dŭm ala čar hgŭm ASEAN bi mni kơ dŭm klei mkŏ mjing klei bi blŭ hrăm, mđing hmư̆ mơ̆ng dŭm tĭng mdê mdê.
Dŭm ala čar lač AIPA mbĭt hŏng knŭk kna hlăm ASEAN dŭm pluh thŭn êgao đru leh jăk kơ bruă mkŏ mjing yang ƀuôn ƀuôn ASEAN, mâo lu hdră bi mguôp plah wah hlue ngă hdră bhiăn hŏng mkŏ mjing hdră bhiăn, mjing klei găl kơ jih jang bruă bi tŭ ư, kơ klei hgŭm mbĭt, boh nik hlăm klei bi mlih mrô, mđĭ mlih bruă pui kmlă, mdrơ̆ng hŏng klei bi mlih yan adiê... Phung khua kiă kriê bi mklă bruă hlăk ai jing yuôm kơ bruă bi mguôp, lehanăn mđrăm mbĭt găn klei lông dlăng, bi hơĭt klei hdĭp kơ êdei anăp hlăm ASEAN./.
Viết bình luận