Nao myơr brui mngưi kơ ayang Khua knŭk kna Võ Văn Kiệt, Khua knŭk kna Phạm Minh Chính leh anăn êpul bi ala bi êdah klei hdơr kơ Khua knŭk kna Võ Văn Kiệt, anak mnuih mơ̆ng bruă ngă, jhŏng mĭn, jhŏng ngă, jhŏng đua klam, mâo nanao klei mđĭ ai săn asei kơ bruă mrâo, hluê ngă msĕ si Khua knŭk kna Võ Văn Kiệt lŏ dơ̆ng čuê knhuah hdĭp cách mạng, jih ai tiê đru mguôp kơ ala čar, kơ mnuih ƀuôn sang, jih jang kyua mta kñăm mnuih ƀuôn sang mdrŏng sah, ala čar ktang, yang ƀuôn êngiê, mtăp mđơr, mrâo mrang.

Leh knăm myơr brui mngưi, Khua knŭk kna Phạm Minh Chính leh anăn êpul bi ala nao hlăm knăm ba mdah tem dăng kông “Bi hdơr 100 thŭn hruê k’kiêng Khua knŭk kna Võ Văn Kiệt” dưi mkŏ mjing ti wăl bi hdơr kơ Khua knŭk kna Võ Văn Kiệt.