Ƀri gưl bi hdơr 40 thŭn hruê phung nai Việt Nam leh anăn 120 thŭn mkŏ mjing sang hră gưl prŏng aê mdrao Hà Nội, bi ala kơ khua gĭt gai Đảng, Knŭk kna Khua knŭk kna Phạm Minh Chính mơĭt kơ dŭm gưl ênuk khua gĭt gai, knuă druh, nai mtô, hđeh sang hră hlăm Sang hră gưl prŏng aê mdrao Hà Nội leh anăn phung bi ala klei hơêč hmưi jăk siam hĭn.

Khua knŭk kna mñă klă, ară anei klei čiăng kơ bruă mdrao mgŭn, kriê dlăng klei suaih pral yang ƀuôn ƀrư̆ hruê ƀrư̆ đĭ, boh nik hlăm boh klei Covid-19 dôk dleh ktuê dlăng leh anăn mâo dŭm mta klei ruă mrâo. Boh klei kčah kơ bruă mdrao mgŭn leh anăn sang hră gưl prŏng aê mdrao Hà Nội bruă klam kjham ƀiădah ăt yuôm bhăn, Mđĭ klei bi hgŭm, bi tŭ ư, mkŏ mjing briă Đảng sang hră doh, kjăp ktang, mđĭ klei thâo gĭt gai, ai ktang bi ktưn mơ̆ng dŭm êpul bruă đảng leh anăn phung đảng viên./.