Bruă Khua knŭk kna Phạm Minh Chính hŏng khua gĭt gai dŭm ala čar ASEAN nao hlăm klei bi kƀĭn gưl dlông bi hdơr 45 thŭn klei bi hgŭm ASEAN-EU jing yuôm bhăn, bi êdah ai tiê thâo mprăp leh anăn đru mguôp mâo bruă klam mơ̆ng Việt Nam hlăm ASEAN ăt msĕ mơh hŏng êpul êya lu ala čar, boh nik hlăm boh klei krĭng wăl leh anăn dlông rŏng lăn dôk tlă anăp hŏng lu klei dleh ktuê dlăng, lông dlăng msĕ si ară anei.

Anei jing gưl tal êlâo ASEAN leh anăn EU mkŏ mjing Klei bi kƀĭn gưl dlông bi hdơr ti EU, hŏng klei hgŭm mơ̆ng Khua gĭt gai dŭm ala čar. Gưl nao čhưn đru bi êlam hĭn klei bi hgŭm yuôm bhăn ASEAN-EU, klei bi hgŭm kluôm Việt Nam-EU leh anăn klei bi hgŭm mơ̆ng Việt Nam hŏng dŭm ala čar hlăm EU, đru msir mgaih klei êdu kƀah, gun kpăk./.