Ti ƀuôn prŏng phŭn Brussels, Ala mtao Belgium, Khua knŭk kna Phạm Minh Chính nao leh anăn blŭ hrăm hlăm Klei bi kƀĭn gưl dlông bruă mnia blei ASEAN-EU nah êngao gưl dlông bi hdơr ASEAN-EU hŏng akŏ: “mđĭ bruă mnia blei ASEAN-EU: Mđĭ kyar hơĭt kjăp kơ jih jang grăp čô mnuih”.

 Khua knŭk kna Phạm Minh Chính ba mdah 5 hră hưn mdah klei yuôm bhăn hlăm anăn mñă klă brei mđĭ ktang klei bi hgŭm lu ala čar, mđĭ klei mĭn lu tĭng, bi hgŭm tliêr kjăp, tŭ dưn plah wah dŭm ala čar. Khua knŭk kna mñă klă, klei bi hgŭm bruă mnia blei plah wah EU leh anăn ASEAN ƀrư̆ hruê ƀrư̆ đĭ kyar kluôm kơ hnơ̆ng kyua anăn dŭm ala čar brei bi leh jăk hĭn hdră bruă klei bhiăn, mjing tur knơ̆ng, klei găl jăk čiăng kơ dŭm anôk bruă lŏ dơ̆ng mđĭ lar klei thâo, klei mbruă, bruă klam, klei bi mkŏ ktang hĭn, mđĭ lar klei tŭ dưn dưi mâo leh. Khua knŭk kna bi mklă Việt Nam bi êdah hĭn klei mĭn hŏng tač êngao, lu tĭng, bi lu jơr klei bi hgŭm hŏng tač êngao, kyua klei êđăp ênang, bi hgŭm leh anăn đĭ kyar./.