Mơ̆ng 45 thŭn, klei bi hgŭm ASEAN-EU mđĭ lar klei gĭr, mâo lu klei tŭ dưn. Thŭn 2021, ASEAN jing ƀĭng hgŭm bruă mnia blei êngao kơ Ơ Rôp prŏng tal 3 mơ̆ng EU hlăk êjai EU jing ƀĭng hgŭm bruă mnia blei tal 3 mơ̆ng ASEAN hŏng ênoh bruă mnia blei dua nah mâo 268,9 êklai USD, mbĭt anăn EU jing pô duh bi liê mơ̆ng ala tač êngao prŏng tal 2 mơ̆ng ASEAN hŏng ênoh prăk mâo 26,5 êklai USD.

Mđing truh kơ êdei anăp, dua tĭng bi tŭ ư bi êlam hĭn klei bi hgŭm hdră bruă mkŏ mjing thŭn 2020 mơ̆ng tur knơ̆ng kčĕ hdră bhiăn lu ala čar, bi hgŭm mtăp mđơr leh anăn hdơ̆ng mâo klei tŭ dưn, mđĭ kyar mtah leh anăn hơĭt kjăp. Khua knŭk kna mđĭ klei yuôm bhăn mơ̆ng Klei bi kƀĭn gưl dlông bi hdơr tal anei, kruăk knăl 45 thŭn klei bi hgŭm plah wah dua êpul bruă tŭ jing dlông rŏng lăn. Khua knŭk kna bi mklă dŭm klei tŭ dưn bi hgŭm mjing leh tur knơ̆ng, leh anăn dôk lŏ thiăm klei ktang mđĭ kyar klei bi hgŭm./.