Hdră mphŭn pŏk mâo akŏ “Việt Nam – êđăp ênang – bi mguôp – đĭ kyar” hŏng 2.400 čô knuă druh, lĭng kahan yang ƀuôn Việt Nam mơ̆ng dŭm êpul kahan knhăk, kahan knông lăn leh anăn kahan kdŏ mmuñ. Blŭ hlăm hlăm knăm, Khua knŭk kna Phạm Minh Chính mñă ktang, Klei rang mdah bruă lĭng kahan Việt Nam thŭn 2024 mâo boh tŭ dưn yuôm bhăn, djŏ hlăm wưng bi hdơr 80 thŭn hruê mkŏ mjing lĭng kahan yang ƀuôn Việt Nam leh anăn 35 thŭn hruê jih jang mnuih ƀuôn sang răng mgang klei êđăp ênang.

Anei jing hdră prŏng êdah êdi hŏng klei hưn “Êđăp ênang – bi mguôp – đĭ kyar”, đru mtrŭt mđĭ bruă hŏng tač êngao leh anăn bi mguôp bruă lĭng kahan hlăm djăp mta bruă, kyua klei êđăp ênang, hơĭt kjăp, bi mguôp leh anăn đĭ kyar hlăm alŭ wăl leh anăn tar rŏng lăn. Việt Nam tă hdră mđĭ kyar bruă tuh tia kdrăp lĭng kahan hŏng klei čŏng pô, mrâo mrang leh anăn ñŭ kma tar rŏng lăn, mđĭ hnơ̆ng ai dưi bruă lĭng kahan, mđĭ kyar bruă duh mkra, đru kơ hdră êlan mơ̆ng lăn čar leh anăn kơ klei hdĭp mnuih ƀuôn sang.