Dlăng hră bi hdơr hlăm knăm anăn, Khua knŭk kna Phạm Minh Chính mgei ai tiê êjai lŏ ksiêm wĭt klei hdĭp leh anăn bruă cách mạng mơ̆ng Võ Văn Kiệt, Khua knŭk kna mñă klă klei hdĭp leh anăn bruă cách mạng mơ̆ng Võ Văn Kiệt jing klei bi êdah mơ̆ng sa čô lĭng kahan siă suôr, sa čô khua gĭt gai kdlưn hĭn, jih klei hdĭp kyua ala čar, kyua mnuih ƀuôn sang.

Hŏng knhuah mă bruă êngiê, kluôm êlam, klei hlăk mblang nao mbĭt hŏng boh sĭt, klei blŭ mbĭt mbĭt hŏng mă bruă, Võ Văn Kiệt mâo leh klei đru mguôp yuôm bhăn hlăm bruă mđĭ ai dŭm gưl mnuih ƀuôn sang hluê ngă hdră êlan mlih mrâo mơ̆ng Đảng ba mdah leh anăn gĭt gai. Khua knŭk kna mñă klă, êlâo kơ ba mdah sa mta klei bi klă yuôm bhăn, boh nik jing dŭm klei bi klă hmăi truh kơ klei đĭ kyar bruă duh mkra – ala ƀuôn hlăm ala čar leh anăn klei hdĭp mnuih ƀuôn sang. Võ Văn Kiệt mâo na nao klei êmuh boh blŭ mơ̆ng phung thơ̆ng kơ bruă leh anăn čŏng pô ksiêm duah, mđing hmư̆ klei blŭ mnuih ƀuôn sang.