Ti anôk bi trông dua khua knŭk kna mơak ƀuh klei jăk lehanăn bŏ hŏng klei čang hmăng hgŭm duh bi liê, lehanăn mnia mblei. Truh kơ ară anei, prăk duh bi liê kơ Campuchia êbeh 2,93 êklai dolar. Campuchia dôk tal 2 hlăm ênoh 78 ala čar lehanăn krĭng lăn mâo phung duh mkra Việt Nam duh bi liê.

Việt Nam lŏ dơ̆nă păn kjăp pô djă akŏ ASEAN hlăm ênoh 5 ala čar duh bi liê prŏng kơ Campuchia. Blŭ hrăm ti anôk trông čhai anei Khua knŭk kna Phạm Minh Chính bi myuôm anôk duh bi liê ti Campuchia hlăk mâo klei bi mlih prŏng, hlue djŏ hŏng klei bhiăn duh bi liê mrâo lehanăn klei bhiăn alŭ wăl duh mkra.

Khua knŭk kna lŏ bi mni, lehanăn mtă kơ phung duh mkra Việt Nam lehanăn Campuchia ktuh êyuh ngăn prăk duh kơ bruă pral hĭn, kjăp hĭn, hlue ngă djŏ hŏng klei bhiăn dua ala čar, lehanăn mâo bruă klam prŏng hŏng yang ƀuôn, mjing bruă mă kơ lu mnuih, lehanăn răng mgang wăl hdĭp mda, đru hlăm bruă mđĭ kyar mdrŏng sah dua ala čar./.