Tŭ ư asăp jak iêô mơ̆ng Khua knŭk kna Campuchia Samdech Techo Hun Sen, Khua gĭt gai ASEAN 2022, Khua knŭk kna Phạm Minh Chính srăng nao čhưn klă sĭt ti Campuchia mơ̆ng hruê 8-9/11 leh anăn nao hlăm Klei bi kƀĭn gưl dlông ASEAN leh anăn dŭm klei bi kƀĭn djŏ tuôm mơ̆ng 10-13/11. Anei jing gưl nao chưn klă sĭt ti Camphuchia tal êlâo mơ̆ng Khua knŭk kna Phạm Minh Chính hlăk jing Khua knŭk kna leh anăn jing gưl nao čhưn tal êlâo mơ̆ng khua gĭt gai phŭn Việt Nam ti Campuchia hlăm Thŭn bi mjĕ Việt Nam-Campuchia 2022.

Gưl nao čhưn mkŏ mjing hlăm boh klei bi mjĕ riêng gah jăk siam, bi hgŭm djuê ana, bi hgŭm kluôm, hơĭt kjăp, sui thŭn plah wah Việt Nam- Campuchia lŏ dơ̆ng mđĭ kyar hơĭt kjăp. Dua tĭng bi hgŭm mkŏ mjing lu bruă ngă yuôm bhăn, bi hdơr 55 thŭn mkŏ mjing klei bi hgŭm.  Khua knŭk kna Phạm Minh Chính srăng bi trông hŏng Khua knŭk kna Campuchia Hun Sen leh anăn nao hlăm klei blŭ hrăm gĭt gai hlăm Klei bi kƀĭn mtrŭt duh bi liê bruă mnia blei Việt Nam- Campuchia, bi tuôm hŏng Ala mtao Norodom Sihamoni, Khua thượng viện Say Chum, Khua bruă kƀĭn ala Heng Samrin leh anăn bi tuôm hŏng phung khua gĭt gai gưl dlông Campuchia./.