Tŭ klei iêo jăk mơ̆ng Khua knŭk kna Campuchia Samdech Techo Hun Sen, Khua knŭk kna Phạm Minh Chính srăng klă klơ̆ng nao čuă ala čar Campuchia mơ̆ng hruê 8 – 13/11. Klei nao čuă dưi mkŏ mjing hlăm wưng klei mjĕ giăm 2 ala čar amâo mâo mdei dưi ksul mbŭ, mđĭ kyar mơ̆ng hruê mkŏ mjing klei mjĕ giăm mơ̆ng 55 thŭn êlâo. Anei ăt jing gưl nao čuă klă klơ̆ng ala čar Campuchia mơ̆ng Khua knŭk kna Phạm Minh Chính hŏng bruă klam jing Khua knŭk kna.

Hlăm klei nao čuă, mĭng tĭng Khua knŭk kna Phạm Minh Chính srăng blŭ hrăm hŏng Khua knŭk kna Campuchia Samdech Techo Hun Sen, mbĭt hŏng Khua knŭk kna Hun Sen nao hgŭm leh anăn blŭ hlăm klei kƀĭn mtrŭt mđĭ klei mnia mblei Việt Nam – Campuchia, Bi tuôm hŏng mtao Norodom Sihamoni, khua gĭt gai Thượng Viện Say Chhum, Khua bruă kƀĭn ala Heng Samrin leh anăn phŭn khua gĭt gai gưl dlông Campuchia.