Khua knŭk kna Việt Nam lehanăn Khua knŭk kna New Zealand bi tuôm hŏng bruă klei mrâo
Thứ tư, 00:00, 16/11/2022
VOV Tây Nguyên
VOV Tây Nguyên
VOV4.Êđê- Tlam hruê 14/11, ti Anôk bruă knŭk kna, leh bi trông, Khua knŭk kna Phạm Minh Chính lehanăn Khua knŭk kna New Zealand Jacinda Ardern nao ti leh Knăm bi mklă hră m’ar bi hgŭm plah wah dŭm Phŭn, dhar bruă dua ala čar lehanăn bi tuôm hŏng phung mă bruă klei mrâo.
Blŭ hrăm anăp bruă klei mrâo, Khua knŭk kna Phạm Minh Chính mñă Việt Nam mđing bi hgŭm hŏng New Zealand, sa ƀĭng hgŭm phŭn, yuôm bhăn mơ̆ng Việt Nam ti krĭng Dhŭng Pacifĭk mbĭt anăn ăt jing ƀĭng hgŭm phŭn mơ̆ng ASEAN.
Khua knŭk kna brei thâo: Ti anôk bi trông, dua tĭng ksiêm dlăng leh kluôm hdră bi hgŭm plah wah dua ala čar lehanăn m’ak hlăk ƀuh klei bi mjĕ ƀĭng hgŭm phŭn Việt Nam - New Zealand dôk đĭ kyar jăk siam lehanăn tŭ dưn, boh nik bruă mnia mblei dua ala čar đĭ nanao. Dua khua knŭk kna tă leh hdră êlan ba klei bi mjĕ ƀĭng hgŭm phŭn Việt Nam - New Zealand lŏ đĭ kyar hĭn hlăm wưng ti anăp, kyua klei tŭ dưn mơ̆ng grăp ala čar, đru mguôp rơ̆ng klei êđăp ênang, đĭ kyar, hgŭm bruă lehanăn đĭ kyar ti krĭng Asi – Pacifĭk./.
Viết bình luận